朋友帶路，去 #旺角 新開嘅日本餐廳- 巧 すしたくみ食Omakase！餐廳以日式木系裝潢，晚市Omakase set 有$480/$680/$980三種價錢，亦可散叫魚生丼及壽司，豐儉由人！ 御巧 $680/位 （前菜、刺身6種、握壽司7種，手卷1本、味噌汁及甜品）點擊圖片放大 🥗前菜有蟹肉胡麻豆腐、柚子蜜漬車厘茄同汁煮鴨胸；胡麻豆腐綿滑甘香，車厘茄酸酸甜甜幾開胃，汁煮鴨胸鹹香惹味！🐟刺身3件有分別係油甘魚、真鯛同活帶子配竹炭鹽；油甘魚魚肉滑溜，真鯛軟嫩綿滑、活帶子鮮甜美味，配竹炭鹽更顯鮮味！🐟另外嘅刺身3件有鰆魚、鮫碟魚、活赤貝；鰆魚炙燒過後皮香帶點咬勁，配埋小小薑絲食更惹味！鮫碟魚肉質軟滑，活赤貝十分爽口！點擊圖片放大 🍣握壽司7種：有白蝦壽司、金目鯛、池魚、鯖魚、火炙魰鰈魚背、大拖羅、北海道海膽；白蝦帶點咸香爽口，我自己偏好炙燒嘅魚，金目鯛、火炙魰鰈魚背、大拖羅三款都迫出魚油，脂香口感同味道各有不同！試勻哂太滿足！北海道海膽香濃厚實，當然最得我心！🍣手卷1本：選用日本紫菜所以特別香脆，加埋軟綿細滑嘅葱拖羅簡直冇得彈！點擊圖片放大 🥣食完咁多壽司，飲返個熱辣辣嘅三文魚成個胃好舒服！🍮最後嘅甜品係抹茶豆腐，抹茶加上紅豆呢個無敵嘅配搭必定好食！巧 すしたくみ地址📍: 旺角山東街53號地舖
