#銅鑼灣地膽 又出動試新餐廳！今次食意大利菜 – Vivere！地點位於糖街新開嘅Sugar+ 11樓，餐牌主打意大利菜；前菜、主食、扒類、意粉同甜品等，仲有精選酒類同Cocktails可供選擇！星期五、六夜晚10點後更有駐場DJ打碟～high 爆全場！氣氛超好！ 🐚Pan Seared Scallops $118：大大粒帶子煎至金黃色，外層帶焦點香，肉質爽彈香甜，配左檸檬奶油醬，creamy得黎酸酸地，整體味道好balance！唔錯！ 點擊圖片放大 🍅🧀 Caprese Salad $118 ：清新爽甜嘅番茄好新鮮，配左意大利黑醋，加埋水牛芝士一齊食味道勁夾～芝士味香濃加埋番茄嘅清新中和左油膩感，開胃之選！點擊圖片放大 🍖 Roasted Lamb Rack $308賣相極靚嘅羊架！一上枱侍應先會燒一燒支rosemary🔥令香味滲入咩架中！羊架煎得啱啱好Medium外層小小焦香，切開有肉汁，肉質軟嫩肉味香濃！2件嘅份量啱啱好！伴碟薯塊煎得香口惹味！推介！點擊圖片放大 🦐Scallop and Tiger Prawn Risotto $198：頂層有兩大隻大虎蝦同帶子嘅意大利飯，有拉絲cheese 嘅口感，好香好creamy！蝦肉爽口彈牙好新鮮，帶子爽彈香甜，意大利飯煮得軟硬適中有口感！好豐富份量足！🍮甜品：Vivi Affogato $108：大大個Baileys同Vanilla雪糕球遇上espresso shot！一試難忘！朋友點左經典嘅Classic Tiramisu $78，層層芝士口感綿滑，無得彈！點擊圖片放大 🍷飲品： Agro Dolce $118 以菠蘿汁、蔓越莓汁等mix埋一齊，酸甜易入口又好味！朋友杯Highball $118， Whisky加上薑味soda，好清爽！VIVERE 📍地址：銅鑼灣糖街25-31號Sugar+11樓
