#銅鑼灣地膽 今次去食宴會級毛蟹和牛私房料理！主打來自香港好少見嘅兵庫縣姫路A5+和牛，油花比例均勻，BMS達至12，即係最頂級！餐牌以和牛、毛蟹、龍蝦等高級食材烹煮私房料理，風格唔拘泥於傳統日式煮法；仲可以由 #客人發板 提早兩日預訂！師傅設計個人化menu，都係每位$1000起，豐儉由人！食Omakase開始食到有D悶同冇乜驚喜！試下宴會級料理就覺得超級正！ 矓 12品 私房料理 $1280位點擊圖片放大 🐟刺身：軟綿口感嘅蜜柑鯛，配搭紫蘇花同酸酸地嘅醬一齊食好開胃！ 🦀毛蟹：大大件毛蟹腳啖啖肉，原汁原味鮮甜無比！🦐北海道帶子同牡丹蝦；兩樣都清爽又香甜！十分新鮮！點擊圖片放大 🍣姫路牛西冷配小川海膽卷：頂層有黑魚籽，姫路牛西冷炙燒過迫出油脂，脂香肉嫩，包住無添加海膽，兩種鮮味平分秋色！師傅話D牛自由放養18個月，所以油花比例完美，入口即溶，非常出色！ 🦀毛蟹杯：色彩繽紛嘅毛蟹杯，底部有大閘蟹既蟹膏及毛蟹肉，中間放左D三文魚籽，頂層有海膽！配埋紫菜可以包住黎食！食前撈勻，蟹膏香氣滿滿， 三文魚籽卜卜口感豐富！🔥🐟汁燒呑拿魚面頰：燒到半生熟嘅呑拿魚面頰，魚肉嫩滑！醬汁加入薑，令魚嘅鮮味更香！點擊圖片放大 🥩韓燒牛三角：以韓燒汁煮嘅牛三角，油脂爆滿而不油膩，牛肉味香濃！唔會似一般和牛入口即溶冇乜牛味！口感帶點韌勁；醬汁用左蘋果、香蕉、奇異果等水果去醃製，令牛嘅鮮味更提升！必試！🥚🦀蟹黃茶碗蒸以大閘蟹蟹黃加帝王蟹嘅茶碗蒸，濃濃嘅蟹膏味加埋滑溜嘅蛋，食到最底仲有粟子碎，太好味啦！🦐大根野菜海老丸子 以松葉蟹及日本大根煮汁，加入南瓜同自家製海龍丸子；味道清甜！相當唔錯！點擊圖片放大 🥩A5和牛壽喜燒：和牛西冷以壽喜燒汁煮，油花比例完美，入口香濃！可配蛋黃一齊食更滑溜滋味！配菜粟米同娃娃菜，好入味！🦀海膽鮑魚毛蟹飯：頂層滿滿海膽，中間有慢煮鮑魚，下面嘅飯加入毛蟹肉黑松露同海膽一齊煮，湯汁用毛蟹殼黎煮，實在太香口又惹味！點擊圖片放大 🥣魚湯：以黃𩶘魚同鯛魚頭淆足2個鐘嘅魚湯！好暖胃！🍈甜品：最後以清甜又多汁嘅靜岡縣既温室蜜瓜作結尾！原來老闆同我一樣係愛酒之人，每逢星期一至三都有機會請食客免費飲sake！當日好彩我就有份用佢走篇日本買返黎嘅靚靚酒杯飲sake！享受左完美又大滿足嘅一餐！ 曜地址📍：銅鑼灣登龍街28號永光中心16樓
