朋友介紹 #佐敦 嘅隱世鐵板燒 - 龍亭，地點位於近永安附近；喺轉角當眼位置！隱蔽嘅門口感覺好神秘！一打開門就見倒小店細細，圍住鐵板燒一列枱及小量梳化位！型格裝潢加流水裝飾更添神秘感！餐牌主打多種鐵板燒套餐，價錢由$388-$788 不等，豐儉由人！ 仲有多款酒類提供，Happy Friday 梗係要美酒配美食！ 🍴季節廚師發板套餐 $788/ 7道菜（ 包括有沙律、前菜、鐵板海鮮兩品、鐵板肉類一品、湯、炒飯及甜品）點擊圖片放大 🥗沙律 : 有菠蘿、新鮮沙律菜及黑醋嘅沙律，清新又開胃 🍳前菜：魚子醬溫泉蘭王蛋，蛋中王者，蛋味香濃！配埋魚子醬一齊食鮮味再升華！🍶雪 本釀造/180ml $84 : 造型特別嘅清酒，輕巧嘅酒質甘甜怡人，好啱女仔飲！點擊圖片放大 🦞海鮮兩品：採用3L刺身級北海道帶子配魚子醬及扇貝配黑松露牛油扇貝；伴碟有蝶豆花海鹽泡泡增添美味！帶子鮮味十足，扇貝口感軟彈！ 🥩鐵板肉類 ：我地揀左澳洲牛柳粒，燒至五成熟嘅牛肉粒，色澤亮麗、肉味香濃，脂香四溢！推介！配埋蒜片一齊食更滋味，伴碟有竹炭鹽及櫻桃蘿蔔酸甜可口！ 點擊圖片放大 🍚海鮮炒飯，炒飯粒粒分明，加上鮮甜嘅蝦肉，滿分！🍦最後甜品有自家製豆腐雪糕配紅豆爆珠，為我地大滿足又開心嘅一餐劃上句號！龍亭地址 📍：佐敦寧波街27-31號地下A-D號舖
