#中環地膽 今次去食Omakase同非常有特色嘅串燒及酒場！地點位於士丹利街26樓，全吧枱設計、大大個落地玻璃，加上天幕燈飾好有酒場嘅氛圍感！招牌 #廚師發辦 分別有 $1180及 $1480，一人份量十分豐富！點擊圖片放大 🍴豐盛廚師發辦 $1480/位 （包括前菜、生蠔、刺身 5點、煮物、壽司 8貫、燒物 6枚、吸物、甜品）點擊圖片放大 🥗前菜：有蟹膏豆腐、紅酒番茄同蝦；豆腐味道香濃嫩滑、番茄酸酸甜甜，蝦肉清爽夠哂開胃！🦪岩手縣山田灣生蠔：size幾大嘅生蠔，肉質肥美厚實，爽脆口感加上鮮甜海水味！超好味！🍶清酒：店員推介比較清甜嘅「作」清酒，細細支加上入口甜甜地好啱女仔飲！點擊圖片放大 🍣刺身拼盤：有當造寒鰤魚、青森縣吞拿魚赤身、北海道帆立貝同牡丹蝦；鰤魚肉嫩香甜，赤身香濃綿滑，帆立貝同牡丹蝦都清爽又香甜！十分新鮮！ 🐟熟成鯖魚，用煙香燻過，一打開個玻璃蓋煙霧四散，口感同味道都有D似煙三文魚！驚喜地好味！ 🍣壽司：有岩鹽墨魚、赤鯥、金目雕、深海池魚、拖羅、吞拿魚面夾肉、吞拿魚腦天同北海道海膽共八件；岩鹽墨魚彈牙扎實，赤鯥鮮甜口感帶點煙韌，吞拿魚面夾肉燒過後迫出魚油好甘香，吞拿魚腦天脂香軟滑無得彈！我最愛嘅北海道馬糞海膽，海膽香濃厚實，入口鮮甜甘香溶化！太完美了！點擊圖片放大 🍢燒物有牛小排、白鱔、海蝦、牛舌、洋蔥同秋葵！牛小排肉味香濃，脂香肉嫩，白鱔肉質嫩滑鮮甜，海蝦連埋蝦膏一齊食更甘香惹味！ 點擊圖片放大 🍲吸物：蜜汁魚鮫，魚鮫肉嫩，蘿蔔超淋好入味！精彩！🍦甜品有我最鐘意嘅紅豆雪糕，香甜可口！另外仲有綠茶蕨餅；為精彩嘅Omakase劃上完美嘅句號！一緒一番酒場地址📍 :中環士丹利街11號Stanley 11 26樓
