#銅鑼灣地膽 今次去食人氣甜品輕食cafe - HeSheEat!地點喺銅鑼灣地帶2樓!餐牌主打義大利粉、輕食及人氣甜點!落地玻璃窗空間感十足!Dinner Combo有main course、追加精選特飲、是日餐湯或沙律等。百零蚊都有牛扒,價錢親民!點擊圖片放大 🍖香煎加拿大豬鞍扒伴焗蒜香蜜糖薯仔 $168手板咁大嘅超級厚切加拿大豬鞍扒,要等成20-30分鐘,因為即叫即整;上枱時不負眾望!由擺盤到味道都滿分!一刀切落去肉汁爆滿,脂肪同肉均勻!熟度都啱啱好!香煎夠哂鮮味又香口!伴碟有沙律同焗薯仔,超水準!點擊圖片放大 🍗烤雞。溫泉蛋。牛肝菌燴意大利飯 $118三件煎得甘香帶點辛辣嘅雞柳,軟嫩又惹味!燴飯嘅牛肝菌香氣撲鼻!飯粒分明,每一啖飯都滿滿芝士口感,配菜仲有蘑菇🍄洋蔥🧅等,令口感更豐富!加埋溫泉蛋蛋汁一齊食更香滑濕潤!🥞楓樹糖漿梳乎厘班戟 $78當然要點招牌菜之一梳乎厘班戟~我地揀左Plain Souffle;頂層軟滑cream加上糖粉同楓樹糖漿;原味就食得出香濃蛋味,口感軟綿細更滑!勁好味💯點擊圖片放大 🥛飲品點了Winter 系列嘅凍宇治抹茶士多啤梨鮮奶 $52, 味道香甜可口!朋友就跟餐升級熱檸茶!HeSheEat地址📍:銅鑼灣記利佐治街2-10號銅鑼灣地帶2樓201號舖