#銅鑼灣地膽 帶我食日式串燒居酒屋 –FireBirD！地點喺銅鑼灣邊寧頓街地舖！餐牌有生蠔、刺身壽司、串燒、炸物、鍋物、飯麵等！以日式裝潢，坐位濶落舒適。特別推介以日本清酒同日本酒調製嘅Cocktail，又靚又好飲！啱哂放工Happy Hour! 🥩特上牛肉串燒盛盒 $188 有日本產霜降A4和牛串、厚切牛舌串、牛肉金菇卷串同牛肉壽喜燒串共四款；和牛脂香肉嫩，牛舌厚薄適中口感帶勁，牛肉金菇卷串肉味香濃，最後嘅牛肉壽喜燒點埋蛋汁一齊食令牛味更特出同口感滑溜！點擊圖片放大 🍗Firebird 雞肉串燒盛盒 $138 有自家製兔治雞肉棒、長蔥雞腿串、雞胸串、雞頸同秋葵共5款；自家製兔治雞肉棒雞肉軟嫩，配埋蛋汁食更香更滑！長蔥雞腿串嘅雞腿肉爆汁好味，雞頸燒得香脆，雞胸唔會太乾！相當唔錯！ 點擊圖片放大 🍗FireBird名物重量級火焰原隻雞腿 $138 必點嘅名物🔥重量級火焰雞，上枱後會點起紅紅嘅火！影相打卡一流！燒完後仲會由店員細心剪開雞腿肉，雞腿香滑惹味！配菜亦十分好食！必點之選！🦀蟹味噌甲羅燒$78粒粒蟹籽伴帶有味噌香味嘅羅燒，蟹膏爆滿，暖笠笠嘅蟹膏口感軟綿細滑，配上壽司飯一齊食簡直無得彈！點擊圖片放大 🍜松葉蟹肉稻庭烏冬 $138 滿滿松葉蟹肉嘅稻庭烏冬，湯頭濃滑細膩，配埋鮮甜蟹味十分精彩！稻庭烏冬口感彈牙軟滑！🍹飲品點了Mix Fruit Tea $58 同Tiffany Sour🍸$78； 水果菜好多水果，茶味清甜，Tiffany sour帶點乳酸好易入口！FireBird地址 📍：銅鑼灣邊寧頓街13號地舖
