好姐妹生日，今次揀左去 #銅鑼灣 糖街嘅新嘅Sugar+，26樓食鐵板燒！ 一上到去立即被寶藍色嘅天空同迷人境色吸引！彎彎嘅高枱空間感同視野滿分！氛圍感十足！我地揀嘅Special menu係有齊全店最正嘅海鮮套餐，點餐後師傅會即叫即煮！ 🥩Dinner Special menu $1280 /位 (包括季節前菜、刺身或壽司3款、季節生蠔、吸物、鐵板燒紐西蘭海蛪蝦、北海道帆立貝配三文魚、法國鵝肝或銀鱈魚、澳洲M9牛舌、美國特選牛肉/西班牙黑毛豬、鐵板炒飯、炒野菜及甜品) 點擊圖片放大 🥗前菜：冬天必食嘅鱈魚白子，滑溜爽甜，配上味道酸甜嘅青檸醋啫喱，夠哂開胃！🐟北海道鮟鱇魚肝多士：以自家制鮟鱇魚肝打成cream狀，口感綿密細膩， 配上食用花及放喺香脆多士上，獨特香氣令人回味！點擊圖片放大 🦪北海道米崎珍蠔：肉質肥美厚實，爽脆口感加上鮮甜海水味！超級好味！🍣季節刺身：有鮫鰈魚、深海池魚及瑩光魷魚；鮫鰈魚輕輕燒香魚邊令脂香口感帶點煙韌，深海池魚伴左酸甜汁更顯肉嫩香甜，瑩光魷魚伴白麵豉醬，香滑爽口！ 🍣壽司：有九洲槍魷魚、瀨戶內海真鯛魚及赤身，槍魷魚肉質扎實鮮甜，瀨戶內海真鯛魚配白松露油香氣撲鼻鮮甜無比！最後嘅赤身脂香軟滑無得彈！🥣日本淮山鮮濃魚湯：以魚湯作中段暖暖胃！相當唔錯！🦐香草牛油紐西蘭海蛪蝦：以蝦膏作為調味，淋上煎好嘅蝦上面； 蝦肉嫩滑爽甜！香濃嘅蝦膏令口感更豐富同鮮味！🐚北海道帆立貝配深海魚籽：帆立貝鮮嫩又有咬勁！配上帶點牛油及酒味嘅醬汁煮一煮令味道升華！🐟香煎銀鱈魚：煎得好薄脆嘅魚皮香口惹味超驚喜！配埋滑溜魚肉，味道適中好夾！ 🥩澳洲M9牛舌：薄薄一片嘅牛舌，肉味香濃帶點咬勁，配埋蒜片食增加口感！點擊圖片放大 🥩美國特選牛肉： 我地叫左五成熟嘅牛肉，色澤亮麗、肉味香濃，脂香四溢！推介！🍖西班牙黑毛豬：外層煎到微焦咬落鬆化香口而唔油膩！保留倒肉汁同軟嫩！🍄🍚黑松露蟹肉炒飯，入口有濃郁嘅香松露味，炒飯粒粒分明，加上鮮甜嘅蟹肉，滿分！🥬炒什菜：炒得清爽唔油膩相當唔錯！🍵最後甜品有自家製綠茶蕨餅，為我地大滿足又開心嘅一餐劃上句號！瀧宴日本料理 地址📍：銅鑼灣糖街25-31號Sugar+26樓
