愛酒之人帶我去令和鍋物酒場享受清酒之旅!餐廳喺人來人往嘅厚福街!一上到去就有鼓聲歡迎!裝潢用上七彩燈籠,氛圍感十足!今次我地揀嘅係 #廚師發辦 清酒配美食!店員細心介紹每款清酒同食物!點擊圖片放大 酒匠Omakase $438/位 (包括五道菜及五款酒匠特選酒)額外追加清酒每款$40🥗前菜 配[榮光富士原始乃胎動純米大吟釀無濾過生原酒](60ml)前菜有鮟鱇魚肝、漬物兩點、酒盜芝士及和牛他他其;先食中間兩款漬物小魚乾同牛蒡,味道相對清淡,鮟鱇魚肝口感綿滑細膩,酒盜芝士超香酒氣,最後和牛他他其帶點酸好開胃!配埋鮮味有層次嘅清酒!非常夾!點擊圖片放大 🍣刺身 配 [大納川達摩兔純米吟釀](60ml)刺身有空運新鮮嘅鯛魚、帆立貝同油甘魚,魚肉滑溜,新鮮無比!帆立貝鮮甜美味!配埋有微碳酸的清爽口感嘅清酒,令鮮味升華!🍤揚物 配 [鍋島特別純米配揚物](60ml)揚物有南蠻乳酪炸雞同鰻魚野菜天婦羅,炸得香脆唔油膩,配帶點破酸口感嘅爽酒最適合!點擊圖片放大 🍢燒物煮物 配[江戶開城雄町純米吟釀](60ml)燒物有明太子免治雞肉棒子、鹽燒和牛舌同汁煮沖繩五花腩;明太子肉汁滿滿,牛舌軟嫩香濃,五花腩脂香四溢,配柔和酸味嘅醇酒,特別清爽! 🍨甜品 配[天花 龜の尾 純米大吟釀 無濾過生原酒](60ml)最後係甜品配帶點果香嘅生原酒,大滿足!令和鍋物酒場地址📍:尖沙咀厚福街9號豪華閣地下-1樓