估唔到日式串燒都有 #廚師發辦 ! #中環地膽 帶路,地點喺摩羅廟街附近嘅串燒店 - 仟穆!日系嘅裝潢加上特長吧枱設計,可以望住廚師煮!氣氛超好!menu主打日式串燒,我地揀左廚師發辦set,有沙律、煮物、8款串燒、烏冬、甜品;店員會細心問問有咩唔食,因為8款串燒係由廚師決定! 點餐後立即送上燒魚乾餐前小食,又香又脆! 🍢Chef Exclusive 8 skewers $680🥗沙律🥗沙律菜味道新鮮爽口!🍲煮物🍲白酒煮蜆:粒粒蜆肉漲卜卜又鮮甜,白酒味香氣濃郁,飲一啖好暖胃!點擊圖片放大 🍢8款串燒🍢🍗雞胸軟骨:帶點咸香嘅雞胸肉,配上爽脆雞軟骨,口感層次豐富!🍗黃油雞肉串:燒得黃金香脆嘅雞腿肉,黃油爆滿!嫩滑嘅雞肉好juicy!推介!🍗免治雞肉棒:自家製嘅雞肉棒味道香濃,配埋日本蛋一齊食更滑溜!點擊圖片放大 🍗 燒雞皮:燒到脂香酥脆嘅雞皮,比燒雞胸皮油脂更豐盈!🐟燒白鱔:薄薄嘅外皮十分脆口,肉裡嘅魚肉非常嫩滑!輕輕調味就引出鱔嘅鮮味!正!🍖五花腩肉串: 五花腩肉油香滿溢!肉質爽口彈牙!點擊圖片放大 🍅焦糖車厘茄:外脆內軟,香甜無比!估唔到咁好食!🍜烏冬:特濃雞湯烏冬,湯頭濃郁厚稠,每一啖烏冬都掛湯,鮮味十足!🍮甜品:可愛嘅紅豆忌廉大福、抹茶及黃豆粉蕨餅,三樣食哂超滿足!點擊圖片放大 仟穆地址📍:上環摩羅上街28號地舖