舊同事最鐘意去 #探店 今次同佢去尖沙咀嘅蔵鳶居酒屋，以傳統木系裝潢同特多吧檯！坐邊都可以睇住師傅一邊整串燒或切魚生！menu十分之多選擇，有串燒、炸物、刺身壽司丼飯、前菜、沙律、烏冬等！點擊圖片放大 🥩席前火炙和牛壽司 $88 賣相極靚嘅和牛，師傅會即席喺客人面前用火槍炙燒🔥睇住件和牛燒到巴巴聲！夠哂吸like! 味道方面，和牛口感軟嫩、肉味香濃、油脂分佈均勻入口即溶！推介！🐟銀鱈魚西京燒 $138 燒到帶點微焦嘅銀鱈魚，外皮香脆，魚肉嫩滑！配上自家製醬汁一齊食特顯魚肉鮮味！🍣雲丹盛丼 $230擺盤勁靚嘅雲丹盛丼，滿滿海膽、大大粒三文魚籽、蟹膏及蟹腳；有齊我自己最鐘意嘅三種刺身集於一丼！海膽香濃厚實，入口鮮甜甘香溶化！完美！一樣咁濃滑嘅蟹膏大大提升成個飯嘅個味道！點擊圖片放大 🍣香蔥吞拿魚腩卷 $118 ： 葱吞拿魚手卷選用日本紫菜，特別香脆，加埋軟綿細滑嘅葱吞拿魚簡直冇得彈！🍡汁燒免治雞肉丸配蘭王 $38：軟嫩嘅雞肉丸食落口感豐富！配埋蘭王一齊食更香更滑！ 🍗鹽燒雞翼 $30 雞皮好薄而脆，雞肉軟嫩好juicy！好好食！ 🍜鯛魚白湯稻庭烏冬 $68 ：鯛魚湯頭先係主角！口感濃郁細膩 ，值得一試！蔵鳶居酒屋 地址📍 :尖沙咀加拿芬道44-46號地下7-8號舖
