聖誕又未有得返鄉下,好彩 #銅鑼灣地膽 帶我去食正嘢!今次揀左勁多 #日本生蠔 嘅牡蠣酒場,地點位於535號Tower 535 1樓。餐牌主打黎自🇯🇵日本唔同地區嘅生蠔;仲有焗蠔、串燒、炸物、意粉、拉麵等!卡位濶落,坐得舒適!店員亦細心介紹蠔嘅品種同口感,讚👍!點擊圖片放大 🦪生蠔 $98/隻 : 我地揀左黎自岩手嘅陸前高田生蠔同德島鳴門嘅生蠔兩種,兩種都係爽口帶海水味嘅生蠔,中size 但都有大半隻手咁大!陸前高田肥美肉厚入口爽甜,鳴門嘅海水味濃郁口感滑溜!超好食! 醃帆立貝薄切 $128 : 帆立貝嘅鮮味混合埋酸酸甜甜嘅醃製汁,令口感同味道更升華!點擊圖片放大 🐥三瀨雞腿肉 $46 : 燒得黃金香脆嘅雞腿肉,肉質嫩滑仲好juicy,加少少鹽調味已經足夠!🥩牛腹肉 $58:牛復肉質扎實肉味香濃,燒完仲保留豐富肉汁!🥚玉子免治雞肉棒 $40:軟嫩嘅雞肉加上雞軟骨,食落口感豐富!配埋蛋黃一齊食更香更滑!🍤吉列廣島蠔 $78 : 炸至金黃色嘅廣島蠔,外脆內軟,蠔香四溢!配埋他他醬食超級夾!必點! 點擊圖片放大 🍜廣島蠔拉麵 $128 : 鹽味湯頭香濃唔油膩;面層有輕輕煎過嘅廣島蠔,配有青蔥、紫菜、日本蔥等一齊食相當唔錯!🍝蒜片欖油生蠔意大利粉 $128 :💯蒜香味香而不濃🧄又唔會遮左蠔嘅鮮味!用左欖欖油炒爽而不膩!意粉軟硬度剛剛好!值得一試!🍻朋友點左三得利生啤,而我就點左沖繩雜果梳打,清清甜甜好啱我!牡蠣酒場 KADOYA地址📍: 銅鑼灣謝斐道535號Tower 535 1樓101-102號舖