#食肉獸 朋友又發現新開旺角嘅燒肉店- 大眾燒肉酒場！menu主打日式燒肉！除左和牛、雞、豚、炸物小食、沙律外，仲有少見嘅生牛肉刺身同免治和牛多士；地點喺通菜街，木系裝潢座位濶落舒適！點擊圖片放大 🥩和牛壽喜燒 $88 賣相極靚嘅和牛，上枱時係有一舊飯同一個日本生蛋🥚，跟手師傅會即席喺客人面前用火槍炙燒🔥🔥睇住件和牛燒到巴巴聲！燒到一半熟就將個有松露醬嘅生蛋黃攪勻，最後將另一邊捲起同燒熟埋！十分精彩💯味道方面，和牛口感軟嫩、肉味香濃、油脂分佈均勻入口即溶！配上蛋黃汁口感更豐富，簡直色香味驅全！推介！點擊圖片放大 🥩和牛霜降。赤身盛 $88 ： 薄薄一片一煎即熟，口感軟綿綿、脂香四溢！必食！ 🥩黑毛和牛小排$78及牛肋肉$58 ： 牛小排軟身易入口，牛肋肉帶點咬勁，值得一試！點擊圖片放大 🍗松露雞肉 $28 : 超香松露味，雞肉嫩滑仲幾juicy！必點 ！🐟味淋魚干 $38 掛住燒肉忘記左佢，凍左小小先食比較硬左DD，喺爐燒返熱食又唔錯喎！🥬野菜五盛盒 $28 ，有南瓜、冬菇、小甜薯、大蔥及菠蘿及兩件！超值！🥗松露牛油果沙律：食左咁多肉就想食返個沙律，走埋芝士清清地，淡淡松露醬加牛油果好fresh！ 點擊圖片放大 🍚紫菜月見丼 $ 28: 滿滿紫菜加埋日本生蛋黃無敵好食！🍍菠蘿$28: 最後的甜品焦糖燒菠蘿外脆肉軟，酸甜多汁，無得彈！🥤汽水 ： 我地點左檸檬可樂同咸檸七，感覺透心涼！大眾燒肉酒場 地址📍： 旺角通菜街1A-1L號威達商業大廈Deli21樓1A號舖
