秋風起梗係打邊爐啦！今次試下旺角銀座廣場LG嘅台酒鍋 -台式火鍋吃到飽放題，menu主打台式養生湯底嘅火鍋🍲，有4個Level嘅放題，LV3及Lv4仲有埋海鮮任食，晚上7點半前離座或9點後入座都有優惠！我地揀左LV4， 限時120分鐘放題，$468/位；有日本A5北海道和牛、西班牙伊比利亞黑毛豬、紐西蘭羊肩肉、台式小食等；自助區有台式丸類、蔬菜等；揀好湯底就掃QR Code 落單，簡單又方便！點擊圖片放大 🥩🍲日本A5北海道和牛吃到飽放題 (level 4) $468/位🥣湯底有9種選擇，我地揀左人蔘雞鍋，有大大條人蔘喺湯入面，湯頭甘香又夠鮮味！大約有半隻雞份量，雞件仲要好嫩滑好驚喜！點擊圖片放大 🥩日本A5北海道和牛呈粉紅色，擁有超靚嘅雪花紋理，肉脂分佈均勻，灼一陣就食得！和牛果然肉味超香濃、脂香四溢，肉質軟綿嫩滑！有入口即溶嘅感覺，配合月見蛋汁一齊食更顯和牛嘅香滑！推介！🥩美國Prime Grade 牛板腱油脂均勻，色澤亮麗，肉質紥實香口，牛小排薄薄一片牛肉味香濃、軟身易人口！款款都相當高質！🍖西班牙黑毛豬🍖薄薄一片，豬肉味香，好快熟又夠淋！點擊圖片放大 💛比較特別💛牛胸爽：店員推介，口感爽口彈牙，值得一試！🦐海鮮類🦐我點左深海大虎蝦同日本特級大帶子；蝦肉肉質扎實，帶子肥美爽口！🥟台式小食點左手抓餅、甜不辣、同府城蝦捲；府城蝦捲外脆內軟炸至金黃色，驚喜好味！🍵最後竟然有movenpick雪糕做甜品！完美！點擊圖片放大 台酒鍋地址 📍旺角彌敦道565-567號銀座廣場LG樓
