#食肉獸 朋友話帶我去食超正嘅和牛燒肉 – YAKINIKU KAKURA，地點喺銅鑼灣Tower 535嘅一樓， menu主打直送九州產A 5黑毛和牛，晚市有燒肉 #omakase course；$498/位，有沙律、前菜、燒肉、冷面、甜品等；以木系裝潢加濶落卡位，燒得舒服，食得happy🔥 點擊圖片放大 🥩黑毛和牛燒肉Omakase $ 498 /位 大判燒！黑毛和牛西冷：巨型一大片大過我塊面嘅黑毛和牛西冷，肉脂分佈呈雪花般！店員會負責煮，熟手地將和牛放喺爐上面，輕輕燒一陣就轉另一面，好快手就卷起和牛，再喺火上快速圍圈燒一下，脂香四溢！肉質超級軟嫩，油脂豐富甘香！配埋温泉蛋食口感更滑溜！一試難忘！點擊圖片放大 黑毛和牛腹柳小排：薄切嘅牛小排，脂肉均勻紋理清晰，煮一陣就好快熟，脂香肉嫩！黑毛和牛赤身：厚切小小嘅赤身比較有咬勁但完全唔韌，肉味比牛小排香濃！點擊圖片放大 🧂鹽味盛：有牛舌、蔥鹽味雞兩㮔同蝦2隻；🥩薄切牛舌配京蔥惹味又香口，🍗蔥鹽味雞燒完都好juicy同嫩滑，🦐蝦肉新鮮，口感扎實！三樣都好高質！ 🥗前菜沙律有白飯魚仔，清新好開胃；泡菜三點（大白菜、青瓜，蘿蔔）夠酸夠辣，估唔到泡菜都咁好味！點擊圖片放大 🍜冷麵最後先上枱，食時仲有D微冷，好啱食完燒肉食，湯汁帶點酸甜，感覺可解油膩 ！ 🍮甜品：雪糕糯米糍同奶凍🍦兩樣都好味又唔會太甜好啱我！好夢幻大滿足嘅一個set ！ YAKINIKU KAKURA地址📍 :銅鑼灣謝斐道535號Tower 535 1樓101-102號舖
