上次去過銅鑼灣嘅Green Waffle diner 好掛住鑊仔薯粒 ，今次約埋舊同事去中環擺花街嘅中環店chill下！特高樓底同大型玻離窗空間感十足！坐位濶落舒適！點餐時店員介紹餐廳選用新鮮及自製食材，難怪咁好食；原來中環店獨有 #咖啡任飲 ，同埋 #低碳 #lowcrabdiet 餐單！仲有 #無麵粉 pancake 啱哂減肥同追求健康嘅人仕！晚餐$218有5個course，包左頭盤、side dish、 主食（羊柳、三文魚及西班牙海鮮飯）甜品及飲品，價錢喺中環黎講相當親民！ 不過最後我地選擇左a-lacarte餐牌share一齊食！點擊圖片放大 🥑牛油果雜菜薯粒鑊仔🥘$93/small 除左窩夫🧇必點就係薯粒鑊仔，牛油果🥑切成粒狀，配上水波蛋，蛋汁香濃，加上煎到香脆嘅有芝士包住薯粒，芝士味濃郁，粒粒薯仔香脆無比！配合埋雜菜、洋蔥等更口感更豐富，估唔到仲幾飽肚！點擊圖片放大 🍖🍔燒烤豬肋骨漢堡配薯條🍟 $168將燒好嘅BBQ豬肋骨起肉放喺burger 入面，燒烤豬肋骨肉質軟嫩，入口即溶，BBQ醬香甜可口，漢堡包微焗過外脆內軟，配埋紫洋蔥同生菜簡直冇得彈！薯條都係新鮮炸出黎，香脆又好食！🌿香草欖油野菌扁意粉 🍝 $118橄欖油味道清新，加埋滿滿野菌食落唔會太heavy，意粉煮得軟硬適中，相當唔錯！Green Waffle Diner 地址📍：中環擺花街43號地舖
