睇戲前想食個有質數嘅拉麵，search下發現Isquare附近開了日本人氣拉麵店 – 一郎Ichiro ! 梗係要去食啦！店內一大幅靚晝打卡牆，仲放左好多潮玩BE@RBRICK, 新店仲做緊扭蛋活動，有機會得到BE@RBRICK禮盒、免費拉麵、小食同汽水等 ！Menu主打黑、白、柴、赤四種味道嘅拉麵，仲可配搭唔同炸物小食、日本飲品等。點擊圖片放大 🍖🍜白郎君 豚骨拉麵 $98 奶白色嘅豚骨湯拉麵，湯頭味道香濃唔油膩；粉色嘅半肥瘦豚肉入口軟嫩，似煙燻過嘅口感同散發住豚肉嘅獨特嘅脂香，幼麵可揀軟硬度，朋友揀左適中好掛湯，每一啖都食倒濃湯嘅味道！配埋溏心蛋 、黑木耳、筍、紫菜同蔥等一齊食，超好味！點擊圖片放大 🌶️🍜赤郎君 激辛拉麵 $98火紅色嘅激辛拉麵，湯頭濃厚，辛辣味夠刺激味蕾！溏心蛋又香又滑！豚肉配辣湯更顯獨特嘅脂香肉嫩！跟左粗麵彈牙爽口，配料一樣有黑木耳、筍、紫菜，京蔥等，好惹味！點擊圖片放大 🥟羽根餃子 $32 我自己最鐘意食拉麵店嘅餃子，煎到金黃色嘅薄脆外皮，皮薄餡靚，菜肉均勻，唔錯！🥚♨️溫泉蛋冷豆腐$38大大隻温泉蛋下有冰涼嘅豆腐！兩樣一齊食好夾；蛋汁香濃，豆腐綿滑！伴左木魚絲及鰹魚豉油口感更豐富細膩！🥤飲品點了靜岡蜜瓜梳打及抹茶可樂$26，食完熱拉麵有種透心涼嘅感覺！ 一郎 Ichiro 地址📍 :尖沙咀漢口道19-21號漢宜大廈地下L號舖
