芝士狂熱份子知道銅鑼灣登龍街開左間人氣拉絲芝士Pizza – Mr.K Pizza N Chicken，Happy Friday一於去試下！裝潢以韓式快餐店格局，座位濶落舒適，menu主打 Pizza同炸雞！店員推介手做嘅pizza皮非常特別，鎮店之寶 - Double Cheese 🧀🧀芝加哥薄餅仲係重份量加重口味之選！我地當然要食啦！點擊圖片放大 🦀蟹肉樂園芝加哥薄餅 🍕 ＄215有蟹肉、蟹肉棒、蜆肉，車厘茄、紅洋蔥、雙倍水牛芝士、車打芝士，蒜香芝士醬、秘製Mr.K 醬、蜜糖邊； 我可以話呢個唔係Double Cheese咁簡單，簡直係🧀🧀芝。士。瀑。布🌊！！除左超級多拉絲芝士之外，仲配左芝士醬！裡裡外外都食倒好RICH嘅芝士味道！蟹肉同蟹棒等都變左配角，至於蜜糖邊好好食，不過兩個人應該食唔哂一個pizza!點擊圖片放大 🍯🍗黑糖年糕炸雞 $135/半份黑糖+炸雞超級夾！外皮炸到好酥脆，雞肉軟嫩仲好juicy，配上甜甜嘅黑糖醬，年糕條外脆內軟我地都好鐘意！一客有5-6件雞件，都幾大件！🥤飲品點了荔枝梳打，味道偏甜，唔錯！Mr. K Pizza N Chicken地址📍 ：銅鑼灣登龍街36-48號登輝大廈地下B號舖
