同事介紹西營盤嘅食神麗宮，由名廚戴龍師傅主理特色中菜，放工搭一程電車就到！裝潢以傳統奢華水晶吊燈及中式餐桌，menu主打多款自家創製菜式，同時亦有懷舊菜式，選擇好多！點擊圖片放大 🦆特醬燒乳鴿 $48/隻：特醬燒孔鴿係呢度鎮店之寶之一👍，店員話用上八種唔同香料醃製，難怪味道又香又獨特，一試難忘，皮薄而脆！肉嫩鮮味！冇得彈！🥣濃湯雞煲花膠 $88位 ：奶白色嘅濃湯雞煲花膠，當然要先飲一口濃湯，湯頭鮮甜無比！勁多花膠加上份量好足嘅雞肉，花膠肉厚身爽口彈牙，雞肉軟嫩，飲完成個湯令人覺得暖笠笠！🥘工夫小炒皇 $138 ：成座山咁足分量嘅小炒皇，有韮菜花、蝦乾、豆腐乾、魷魚鬚等，風味十足，好食到停唔倒口！點擊圖片放大 🍚食神皇帝炒飯 $188: 招牌菜之一嘅食神皇帝炒飯，估唔到成條魚咁上枱！材料有帶子、蝦仁、蟹籽等，好有鑊氣，炒至飯粒分明，食落口感豐富，好味！！🍮是日甜品有渣渣及綠豆沙，兩款都唔會太甜，夠火候！食神麗宮 地址📍 ：西環西營盤德輔道西308號華大盛品酒店地舖
