睇IG見倒岩鹽日本料理有 #日式釜飯 食，梗係要帶埋媽咪去試下！餐廳地點喺銅鑼灣利舞臺廣場16樓，以新派型格裝潢，座位濶落舒適！menu除左主打日式釜飯，仲有魚生、壽司、炸物，生蠔、燒肉、窩物等等！選擇十分之多！晚市做緊超正嘅優惠， $98有半打海膽生蠔！太啱我口味了！點擊圖片放大 🦪海膽生蠔 $98: 性價比超高嘅半打海膽生蠔，面層有超綿creamy嘅海膽，下面有好fresh同帶點海水味嘅生蠔🦪，蠔肉爽口鮮甜！無得彈！🍣🥑三文魚牛油果米子卷 $55 : 薄薄嘅米子包住滿滿生油果、三文魚、蔬菜同青瓜條，一啖食落去，新鮮又爽脆，配埋底層嘅酸酸甜甜嘅醬汁，令人胃口大開！🐟魚高湯浸翡翠苗 $88 : 一個小火鍋咁上枱嘅高湯浸翡翠苗實在驚喜，高湯清甜美味，翡翠苗好翠綠，配菜仲有菇類等，好清新！點擊圖片放大 🍙蟹肉芝士天婦卷 $68: 壽司外皮炸至香脆，滿滿嘅蟹肉同芝士混埋一齊味道好夾，估佢唔倒咁好食！🍢土佐炸豆腐 $48 ： 炸到無敵甘香嘅土佐炸豆付，外皮鬆脆，內裡軟嫩！配埋清淡嘅醬油無得彈！🐚🍣海膽三文魚釜飯 $148: 最後一樣就係鎮店之寶-釜飯！店員介紹，釜飯已加左栗子、香菇、白飯魚等，可試下味道先落特製醬油/配紫菜一齊食，食到最尾就可將茶漬高湯倒入有飯焦嘅釜飯，海膽加半熟三文魚超好食，一個飯滿足三種口味！岩鹽日本料理 地址📍：銅鑼灣波斯富街99號利舞臺廣場16樓A舖
