餐廳喺謝斐道嘅上樓舖,除左indoor仲有outdoor 座位可座~啱哂秋天成班朋友聚下chill下!餐牌主打扒類、意粉、前菜、沙律、海鮮等選擇都好多!價錢喺銅鑼灣黎講都算好合理! 點擊圖片放大 🥩慢煮24小時美國安格斯牛肋骨伴乾蔥紅酒燒汁 $298上枱美美嘅慢煮牛䯇骨~牛肋肉已經切好哂放喺牛肋骨上!半肥瘦嘅牛肋肉,肉味香濃,脂香四溢,配埋燒汁更顯牛肉鮮味!食到最後原來條骨都仲有D肉食架!我自己鐘意配燒蒜頭一齊食更香更惹味!配菜仲有小紅蘿蔔又靚又好食!點擊圖片放大 🧄🦐西班牙蒜片蝦伴脆法包片 $128香氣驚人嘅西班牙蒜片蝦,滿滿橄欖油香同蒜香嘅蝦肉扎實超彈牙,分量仲好足!配左兩件脆卜卜法包,點埋橄欖食香而不膩,仲帶點淡淡蝦味!🍝欖欖油蒜片大蜆意粉 $148 成日話越簡單嘅意粉越難煮得好食,不過呢度嘅香蒜油意粉就滿分💯蒜香味香而不濃🧄用左欖欖油炒爽而不膩!意粉軟硬度剛剛好!粒粒漲卜卜大蜆鮮甜冇沙!超好味!推介!🧉飲品點了我地都䁷得好好味嘅石板街朱古力同曲奇朱古力特飲~甜度啱啱好,冇得彈!Cafe Zense 地址: 📍銅鑼灣謝斐道460-462號楊耀熾商業大廈4樓