約左中環地膽食晚飯，佢話帶我去食性價比高 #法國菜 ，地點喺德己立街嘅上樓舖，餐廳半開放式廚房及木系裝潢，有私房菜嘅感覺，特多卡位濶落舒適，店員有禮好親切！餐牌主打法國料理，appetizers、main course、pasta、湯品選擇都好多！價錢喺中環黎講都算好合理！餐酒仲有買一送一優惠! 點擊圖片放大 🍋🍖燒蜜糖檸檬芥末籽黑毛豬豚肉配香蒜薯仔 $238 薄切嘅黑毛豬脂香肉嫩，咬落完全唔會乾身仲保持juicy，after taste有淡淡檸檬清香，完全冇油膩感！配菜有薯仔煎至口感軟綿，滋味無窮！點擊圖片放大 🐚🧈法式焗蝸牛 $98每一粒都滿滿香草嘅法式焗蝸牛，香氣撲鼻！味道清甜口感偏軟身，配埋牛油薯蓉一齊食，更creamy同綿滑！🦞🥣龍蝦湯配法包 $88 龍蝦湯呈鮮橙色！質地濃稠，味道香濃！面層加左D橄欖油令成個湯更滑，口感更細膩，加埋卜卜脆嘅法包一齊食更滋味！點擊圖片放大 🍝香蒜牛肝菌意粉 $138 成日話越簡單嘅意粉越難煮得好食，不過呢度嘅香蒜油意粉就滿分💯蒜香味香而不濃🧄用左欖欖油炒爽而不膩！意粉軟硬度剛剛好！牛肝菌爽口帶點水份！超好味！推介！🍮最後點左個甜品蘋果批～酥化嘅批底，加上片片蘋果肉，面埋雪糕一齊食簡直冇得彈！Cuisine Culture地址 📍：中環德己立街12號業豐大廈2樓203號舖
