秋風起梗係打邊爐啦！今次試下尖沙咀加連威老道嘅台式火鍋店 - 牛駅！ menu主打台式湯底嘅火鍋🍲，限時120分鐘放題，19:30前離座（$476/2位）有SRF 美國極黑肩胛肉眼、西班牙五花片、海鮮等！自助區仲有超級多台灣直送丸類同蔬菜可以拎！竟然仲有少見嘅小龍蝦🦞清酒同梅酒等特式食物和飲品，真係好豐富！揀好湯底就掃QR Code 落單，簡單又方便！點擊圖片放大 🥩🍲SRF 美國極黑肩胛肉眼放題 $476/2位🥣湯底大約有十種選擇，我地揀左鴛鴦鍋（麻辣/椰子雞鍋）椰子雞鍋湯頭清香又夠鮮味，雞件仲要好嫩滑好驚喜！麻辣鍋就超正宗～味道夠麻夠香辣，越食越過癮🌶🔥點擊圖片放大 🥩SRF 美國極黑肩胛肉眼油脂均勻，色澤亮麗，肉質紥實香口，美國牛肩胛薄薄一片牛肉味香濃、軟身易人口！兩樣都好出色！ 🍖西班牙五花片🍖薄薄一片，豬味香，好快熟又夠淋！配埋麻辣湯勁夾勁好味！🌟個人推介🌟麻辣小龍蝦，肉質爽口勁入味，蝦膏飽滿！點擊圖片放大 🦐海鮮類🦐有花膠、帶子、蝦同沙白😋蝦肉鮮甜，蜆肉肥美仲冇沙粒👍🏻💛台灣直送丸類💛一向都鐘意食丸，雜錦丸粒粒都唔同，我自己最鐘意年糕魚蛋口感豐富！ 🍡手打蝦滑/黑松露墨魚滑🍡兩款都鮮味十足，口感彈牙，推介！ 🍵飲品揀左近期最愛嘅白桃烏龍茶解解辣～！牛駅地址📍 ：尖沙咀加連威老道2-6號愛賓商業大廈1樓102號舖
