#灣仔地膽 又發現新餐廳，今次係港式風格嘅輕食店 - 吔嘢事無所！地點喺集城中心地下，色彩繽紛嘅裝潢非常吸晴！餐牌主打輕食，有三文治、便當、全日早餐、炸物小食，窩夫同飲品等！小店細細都好多選擇！點擊圖片放大 🍳全日早餐 $58好豐富嘅全日早餐有：雞扒、滑蛋、磨菇、煙肉、炸薯餅、粟米、沙律（芝麻醬），多士配自製果醬。香煎雞扒都好大片下，肉質軟嫩仲幾juicy；煙肉煎得啱啱好；薯餅脆卜卜勁好味；滑蛋好夠滑；整體份量好足！性價比好高！點擊圖片放大 🥯倦鳥孜返 $42即係孜然炸雞扒配滑蛋三文治，孜然味香氣撲鼻！炸雞皮非常脆口，上面滿滿孜然粉，配埋香滑炒蛋同紫椰菜沙律等一齊食，口感更豐富！ 🌶️🍚小辣椒麻雞飯 $49（配生芫茜）店員推介佢地自家製調配嘅”辣椒麻醬”，用上過十種香料整嘅，咁衝擊味蕾梗係要試下！同三文治一樣嘅雞扒，炸到金黃色又脆又好味，食前淋上佢地嘅辣醬，果然係好特別又勁好味！麻辣得黎帶點檸檬味嘅清新口感！配埋生芫茜一齊食好fresh，推介！！另外跟飯餐加了麻辣燒賣，外層香脆夠惹味！🧇港式摔角 $32 2點至6點先有嘅牛角窩夫！真係超驚喜！超～級～好～味～！除左外脆內酥軟，面頭嘅oreo碎、朱古力粉、蜜糖同cream，簡單又好味！必食！🍹飲品點了佢地推介嘅蜜瓜白提子菠蘿梳打，味道酸酸甜甜，唔算太甜好啱我！另外嘅花茶都好清甜！吔嘢事無所 地址📍灣仔軒尼詩道302-308號集成中心地下G4號舖
