放工經過銅鑼灣渣甸街嘅炊燒🔥好多人等位，原來性價比超高！等左15分鐘就可入座！餐廳以簡約風裝潢，坐位濶落舒適，2人都比4人枱我地！而且店內唔算大油煙， menu主打當然係串燒，雞、牛、豬同海鮮樣樣都有，其餘仲菇🍄菜🥬類，前菜、炸物小食同炒米粉等！小店細細～超多選擇！點擊圖片放大 🦪蒜香燒生蠔🦪生蠔新鮮爽甜，厚肉較厚，配埋蒜香一齊食更顯鮮甜！🐚錫紙粉絲花甲🐚香蒜味加上啖啖肉嘅花甲，雖然唔算太大隻，但肉質夠鮮味！🐥雞中翼🐥燒得黃金香脆嘅雞中翼，外表香脆肉質嫩滑仲好juicy，少少調味已經足夠～推介！點擊圖片放大 🍖猛男豬頸肉同衰佬五花肉🍖五花肉油香滿溢！豬頸肉肉質扎實彈牙！🥩薄切燒牛舌🥩肉味香濃，保留豐富肉汁！🍢真男肥腸🍢 口感爽脆，好食到想再encore !🫑青椒蝦滑🫑 爽甜蝦滑配埋青椒一齊食，清甜香口！點擊圖片放大 🌽粒粒粟米串🌽糯米粟嘅口感，煙煙靭靭，相當好食！🧄蒜香腐皮🧄口感煙韌，裡面夾著海量蔥蒜～香口惹味😬🍳渣爆鵪鶉蛋🍳入口即爆嘅口感，炸得香脆超好味！🥖黃金小饅頭🥖炸到金黃色，外脆內軟～必食！其餘有：🍍燒菠蘿、大茄子🍆、蓮藕串、土豆片🥔、魷魚鬚、墨魚丸串🦑樣樣都燒得入味勁好食！最驚喜係四季豆！燒到剛剛好爽甜仲幾fresh！必食！炊燒地址📍 ：銅鑼灣渣甸街47號采怡閣地下1號舖
