約左舊同事去銅鑼灣嘅A.T.A.S食地道新加坡菜！ Menu主打🍜新加坡特式麵食，喇沙、板麵/麵粉粿乾、特色小食，飲品同甜品🍮！餐廳裝潢簡潔，價錢親民！值得一試！點擊圖片放大 🦐Laksa🍜 $98大蝦鮮甜爽口，Laksa湯頭超濃郁，味道香氣撲鼻，椰香同辣度都好均勻，配料有蝦、魚蛋、豆卜同蛋，我揀左油麵，好掛湯仲份量好足，辣辣地好開胃！點擊圖片放大 🌶️Chilli Ban Mian🍜 $88成座山咁大碗嘅辣椒板面，中間有隻温泉蛋，加上味道帶點甜嘅馬拉傳統黑醬油一齊食勁惹味，其他配料仲有滷水冬菇片、炸魚仔、豬肉碎、蔥蒜等。麵質帶點煙韌，撈勻辣醬食，口感更豐富！🥟炸雲吞 $48 晚市點埋小食，炸雲吞係首選！ 粒粒炸至金黃色嘅雲吞，外脆內軟，冇得彈！🥤飲品點了Michael jackson 同MiloExplosion ，特多美祿波波同美祿粉，超好邪惡勁好味，至於黑白即係仙草＋豆漿，唔太甜，豆味香，仙草香味輕淡，口感滑溜，唔算太甜好啱我！A.T.A.S 地址 📍： 銅鑼灣邊寧頓街9-11號登龍閣地下C2號舖
