走進餐廳仿如走進時空之旅，以華麗復古風同紡織主題嘅裝潢極具心思！餐牌主打牛肉、豬肉同生猛海鮮，湯底就有十幾種可以揀，全部都好吸引！每張枱都以圓型設計，座位濶落，空間感十足！人多都好易傾計！十分細心！點擊圖片放大 🍲白湯人參鍋 $228 ：我地揀左白湯人參鍋，先飲一啖濃濃奶白色嘅湯頭，香濃厚滑嘅人參雞湯果然好味，配料仲有人蔘、鴨血、豆腐同香料等，淨係湯底都好用心！點擊圖片放大 🦀華人塔 $688: 我地唔想淨係食牛肉，華人塔就有齊海鮮、豬肉同牛肉。上枱真係成個海鮮塔咁，啱哂打卡！包括有花蟹、鮑魚、帶子、豬肉、牛肉、海蝦、青口等，十分豐富！✨個人最欣賞花蟹，蟹肉鮮甜仲有膏，預先剪好晒，淥同食嘅時候都好好方便！其他海鮮樣樣都好鮮甜爽口又彈牙，簡直冇得彈。🥩花花形狀嘅豬肉同牛肉，煮好大約有7至8片有點厚度嘅肉，油脂均勻，色澤亮麗，肉質紥實香口； 豬肉比牛肉薄小小，肉味香濃，好快熟又夠淋！完全唔韌！ 🥟七彩餃子 $108: 一向鐘意食手工餃，推介呢個七彩餃子，有金華火腿菜肉餃、蟹肉黑松露餃、午餐肉粟米餃、冬菇薺菜餃、蟲草花餃、姫松茸野菌餃同和牛香茜餃！餃皮比較實淨，唔會一煮就散哂，食落又唔會太厚，每款肉餡都好足料！推介！飲品點了 🍍鳳瑠香 $68有靚到爆棚嘅煙燻泡泡＋係菠蘿味飲品，酸酸甜甜唔錯！另外點左香芳幻 $88，椰香蛋白泡沫加上酸奶，清甜幾開胃！香江花月地址📍 ： 荃灣大壩街4-30號荃灣廣場6樓621-630B號舖
