尖沙咀新開嘅龍鳳呈祥火鍋雞煲,以舊式屋邨大排檔做設計,懷舊得黎又充滿回憶!四處都係打卡位!!一邊播住耳熟能詳嘅廣東歌,別有一番風味!餐牌主打雞煲火鍋!雞煲同湯底都十幾種選擇,期間限定仲有榴槤雞煲!!啱哂榴槤fans食啦!我地就揀左秘制黃蜆惹味雞煲!食完雞煲再慢慢打邊爐!點擊圖片放大 🍲秘制黃蜆惹味雞煲 $238 我地揀左小辣,醬汁超香濃超惹味嘅雞件配上特多配料包括香蒜頭🧄、洋蔥🧅、菇類🍄同筍等!🔥雞煲滾起左,後店員會立即炒幾下,香氣撲鼻!雞肉鮮嫩,辣味香濃!醬汁包住啖啖雞肉刺激味蕾!小辣辣度啱啱好,大約有半隻雞嘅份量!另外主角之一嘅黃蜆份量足仲幾大粒,新鮮又鮮甜!食到咁上下就可以加湯(雞湯、豬骨湯同蕃茄湯三選一)進入打邊爐嘅狀態🔥🔥🔥點擊圖片放大 🥩頂級雪花肥牛 $298:片片牛肉都有勁靚嘅雪花紋❄️牛肉味香濃,切得偏厚份量仲幾多,肉質紥實,油脂均勻,口感非常好!🥟手工冬菇馬蹄豬肉餃 $88:呢個豬肉餃超驚喜!好新鮮即包即食咁完全唔係雪到實哂嘅餃子!真正皮薄餡靚!餡料爆滿!仲有成8粒咁多,好飽肚!🍤即炸炸響鈴同即炸午餐肉:$68/$58 即炸果然超好味!響鈴炸得香脆,午餐肉香口惹味! 🥬其他配料就揀左滑豆腐同唐生菜,兩樣都新鮮好味!龍鳳呈祥火鍋雞煲地址 📍:尖沙咀加拿芬道16號金輝大廈2樓