🍣臨放工喺黃埔見完客,地鐵站附近新開左間外賣嘅壽司店!熱熱地勁想食個魚生丼飯,加上回家路程唔遠,簡直啱哂我同媽咪一齊開心share!餐牌主打魚生飯~選擇同配搭都好多,雪櫃嘅魚生一目了然,相當新鮮!價錢仲好親民!點擊圖片放大 🐟日本新鮮本鮪丼 $168特選拖羅5大切、碎拖羅同三文魚,滿滿嘅三文魚籽同拖羅相堂吸晴!拖羅大切超新鮮,大大片厚切油脂甘香,軟綿細滑嘅拖羅蓉帶點油香,口感細膩而且冇根!配埋三文魚籽卜卜脆,飯量仲好足!推介!🦀軟殼蟹卷 $55頂層放左七彩芝蔴嘅軟殼蟹卷,賣相好靚!內裡滿滿軟殼蟹肉,軟殼蟹炸至薄脆,蟹肉鮮甜蟹膏濃厚!配埋青瓜絲,食落口感好豐富!🍖吉列豬扒卷 $50 頂層放左七彩脆米嘅吉列豬扒卷,外層有粒粒脆米,中間有軟綿嘅飯同紫,內裡有炸到甘香酥脆嘅豬扒,飯同豬扒比例均勻,拎到返屋企食都唔會太乾身! 點擊圖片放大 🍢辣油豆腐 $28 炸到無敵甘香嘅豆腐外皮鬆脆,內裡軟嫩!配埋辣醬一齊食更好味!久兵衛外賣壽司店 地址 📍:紅磡德民街36-60號5N地舖