心血來潮想食上海嘢，上openrice search下見倒iSQUARE 六樓有上海婆婆，梗係要帶媽咪黎試下！餐牌主打上海菜，冷盤、點心，包餃、小菜等好多選擇！座位濶落舒適，啱哂三五知己黎食！點擊圖片放大 🍗花雕醉雞$88：冷盤我地點花雕，花雕酒浸香濃, 極之惹味！雞肉鮮味同酒味並存！雞肉肥瘦均勻，雞皮好Q彈，非常出色。🥯336上海小籠包：蒸到熱辣辣上枱，用筷子夾起成個小籠包都唔會好易穿！以為個皮好厚，一啖咬落去就知真正皮薄餡靚！微熱嘅湯汁湧出來～原汁原味嘅肉餡肉汁豐富香濃！無得彈！點擊圖片放大 🍲砂鍋雲吞雞 $193: 上枱超大鍋嘅砂鍋雲吞雞，湯頭清澈，先飲一啖湯，清甜無比！大大隻半隻雞，雞肉軟嫩，店員仲會比刀叉方便切開黎食！粒粒雲吞皮薄餡靚，好豐富！🍮黑糖冰粉 ： 係！榴～槤～雪～糕🍦加冰粉！榴槤香氣撲鼻！冰粉爽甜，加埋黑糖簡直滿分！上海婆婆336地址 ：📍尖沙咀彌敦道63號iSQUARE國際廣場6樓605-606號舖
