好姐妹生日話想食日式燒肉，同事介紹喺銅鑼灣嘅金金日式燒肉店，以傳統和式裝潢，座位寬躺舒適！menu當然主打日式燒肉，除左招牌和牛之外，仲有多款海鮮套餐，啱哂我地D乜都想試嘅人！宵夜時段仲有特大啤酒搭勁吸引🍻 點擊圖片放大 極上盛宴二人前 $538/2位 前菜： 🦞櫻花龍蝦沙律豆腐味道清新，🥗金目鯛刺身沙律鯛帶有一點酸甜醬汁，好fresh好開胃！🦞海鮮有鮑魚、香茅綱走大蝦、清酒黑松露帆立貝：鮑魚鮮甜爽口，店員教路輕輕一燒已經超彈牙！十分驚喜！大蝦同帆立貝都好新鮮！推介！ 🥩肉盛有佐賀產A4黑毛和牛、 蔥蒜牛舌薄燒卷、鹽燒角切牛舌 同秘製燒汁牛肋骨：黑毛和牛簡直滿分！脂香肉嫩，肉味香濃！脂香同肉質感比例平均！薄燒牛舌及角燒牛舌估唔到咁好味！秘製牛肋骨燒完仲肉汁爆棚！好高質！🍖梅子味噌黑腩肉、意大利香草雞腿肉：層次分明嘅黑腩肉，食落肥瘦均勻肉質勁juicy而不肥膩，燒完更有微微焦香無得彈！香草雞估唔到咁入味仲好軟嫩！好食到停唔倒口！點擊圖片放大 🥬有機菜盛盒同黑松露和牛炒飯🍚： 有機菜可用牛油煮🧈更香口惹味！和牛炒飯飯粒分明，夠晒乾身，好香黑松露唔太over，味道啱啱好！🍮甜品：最後食埋自家制牛乳果凍，又香又滑仲唔算太甜！完美！金金日式燒肉店地址📍： 銅鑼灣怡和街2-6號英光大廈3樓
