又約左將軍澳之友食晚飯，佢帶我去食台灣菜，估唔到翩匯坊附近咁多餐廳！戀上台式料理以簡潔嘅木系裝潢，半開放式座位濶落舒適，空間感十足！仲係 #寵物友善餐廳 添！ Menu主打台灣料理，當然有齊我最愛嘅台式牛肉麵、滷肉飯、珍珠奶茶同唔少得嘅台式小食！店員推介有烤肉！價錢仲幾親民！梗係要試下👍點擊圖片放大 🥩鹽燒美國特板牛小排 $98 ：牛小排脂香肉嫩，肉味香濃！脂香同肉質感比例平均！用鹽輕輕調味已經好好味！點擊圖片放大 🍖鹽燒五花腩肉 $78：層次分明嘅五花肉，食落肥瘦均勻肉質勁juicy而不肥膩，燒完更有微微焦香無得彈！ 🍱小碗手工滷肉飯配溏心蛋 $38 ：滿滿肥瘦適中嘅滷肉，香而不膩！每一啖飯都夠食倒滷肉！仲有溏心蛋及前菜，相當豐富同性價比高！🍗士林鹽酥雞粒 $55: 炸得金黃酥脆嘅鹽酥雞 ，啖啖雞肉嫩滑有肉汁，份量足！🌶️口水雞三小拼盤 $68: 口水雞辛辣味香濃, 極之惹味！雞肉肥瘦均勻，雞皮好Q彈，豆腐相當軟嫩又入味！🥤飲品點了戀上水果茶及奶蓋四季春，水果茶香甜爽口，四季春茶味香濃，好清爽可解解膩！戀上台式料理地址 📍：將軍澳唐俊街21號翩匯坊地下G26號舖
