韓國忠粉梗要食Goobne Chicken嘅烤雞！銅鑼灣店位置喺V Point25樓，menu除左有十幾種烤雞炸雞之外，仲有鍋物、煎餅小食等，種類都幾多！仲有一直想試好耐嘅🧀 UFO芝士火鍋配無骨烤雞！一於約埋cheese lover一齊試試佢！🧀 UFO芝士火鍋配無骨烤雞 $268🍗 點擊圖片放大 用鐵版上碟嘅芝士炸雞🍗可以揀兩種口味，我就揀左🍯蜜糖香滑烤雞同🧄果味醬油蒜香烤雞🧄兩㮔！鐵版上放滿烤到金黃色勁靚嘅雞件，兩款雞肉嫩滑仲好juicy，烤雞果然係冇咁油膩！而且外皮焗到香脆，平時唔食雞皮嘅我都會食哂！中間有滿滿嘅車打芝士同mozzarella cheese，睇住D超～級～拉～絲嘅芝士煮好，放埋雞件一齊食！啖啖雞肉都可以用芝士包住，香味濃郁又唔會過咸同油膩，超滿足！ 🌶️辣年糕湯🍜 $145 🌶️熱天點了一隻辣椒嘅年糕湯，正宗辣炒年糕醬汁，辣道剛剛好刺激味蕾，拌入煙韌的年糕同韓國魚糕一齊食更香口惹味！配菜有蛋同新鮮芽菜、洋蔥等蔬菜🥬，輕輕減少油膩感！Goobne Chicken 地址：銅鑼灣登龍街18號V Point 25樓
