上次同亞E生日飯食過翠林辣蟹坊，今次再去唔係食蟹，主要想食特色小菜！店員介紹有得奬黃金流心蝦球同埋推介新菜式～酸菜魚，一於試下先！點擊圖片放大 🐟椒麻酸菜魚 $288一來到咁大個鍋真係超驚喜！跟住就聞倒超香嘅酸菜味！先飲一啖湯，酸酸辣辣清爽而唔油膩！酸度同辣度都剛好刺激味蕾唔會太over！主角竟然用左深海大龍躉🐟切片嘅魚肉 – 唔怪得啖啖魚肉肥美嫩滑仲冇骨，滑到可以唔駛咬咁濟，而且索哂湯嘅香濃酸辣味，超入味！推介！👍🏻👍🏻點擊圖片放大 🍤黃金流沙蝦球 $48/隻黎到梗係要試得獎菜式，巨型嘅蝦球炸至金黃色，外脆內軟！香脆無比，蝦肉新鮮肥美，肉質扎實！加埋自家製醬汁一齊食更滋味！🦆沙薑鹽水鵝 $188味道清爽嘅沙薑汁，浸住全隻鵝脾！鵝肉質煙韌帶點咬勁，醃得好入味，香口之餘又唔會太油膩，個汁用黎送飯簡直一流！🍗泡椒鳳爪 $58泡椒味香濃而不咸，十分出色！啱哂我地一邊傾計一邊食！翠林辣蟹坊地址 ：尖沙咀亞士厘道24-38號天星大廈1樓A號舖
