三聖邨一向出名食海鮮～亞E帶我去見識下青山灣嘅海鮮街！近碼頭有一列海鮮檔，揀好啱心水可以去相熟餐廳加工！之前亞E幫襯過棠記梗係要去食啦！買完心水海鮮🦞再加錢加工嘅，價錢係$75/斤，我地揀左時令嘅斑馬賴尿蝦同花甲，同埋店員推介嘅招牌咸雞！ 坐底一陣就有得食啦！ 點擊圖片放大 🦞避風塘賴尿蝦賣相勁靚又巨型嘅避風塘賴尿蝦，我地揀左斑馬賴尿蝦外皮係軟身，蝦肉勁鮮甜！仲有勁多蝦膏，一啖咬落去肉質鮮嫩，完全唔似炸出黎！加埋特多炸蒜一齊食美味無比！推介！點擊圖片放大 🌶️ 豉椒炒花甲香辣惹味嘅豉椒炒花甲，既有香辣味，仲保留倒花甲嘅鮮味，粒粒花甲肥美肉厚，而且洗得乾淨，完全冇沙！配菜有三色椒同洋蔥勁滋味！🍗招牌咸雞 店員推介皮薄肉嫩嘅招牌咸雞，啖啖肉超軟嫩！生熟度啱啱好可見廚師功架十足！連雞胸都好滑！足足半隻雞份量，配埋個泰式辣醬勁好味！ 🥬上湯浸菜芯菜芯新鮮爽口，份量都幾多，新界菜果然好味D！棠記海鮮小廚地址：屯門三聖村豐漁樓地下10-11號
