Happy Friday舊同事約我去中環Soho 區chill返晚，餐廳地點係蘇豪伊利近街，裝潢充滿異國風情，設有outdoor位同室內高枱位，我地座喺高枱位，遠望倒特大玻璃窗，一路傾計一路睇住廚師煮嘢食！感覺特別好味！menu主打意打利菜式，有starter、salad、主菜pizza意粉等, 選擇都幾多！點擊圖片放大 🦪 Scallop Capraccio $118Starter我地點左帶子刺身，酸酸地既sauce 加上帶子嘅鮮甜，好fresh 好開胃，帶子偏向薄身，食落口感軟綿細滑，配埋沙律菜一齊食更fresh，份量仲好足！！點擊圖片放大 🍕Romana Pizza Piccante $118 長方形嘅pizza，上枱已經聞倒超～級～香！批底皮薄而脆，批中間軟度適中，加上拉絲得黎又軟林林嘅芝士～配埋啖啖肉味香濃嘅辣肉腸令口感豐富！🍝Linguina Vongole $160粒粒蜆肉飽滿，鮮甜爽口！蒜香味香而不濃🧄蒜油油而不膩！意粉軟硬度剛剛好！無得彈！🥤飲品點了Queen Raspberry $55味道既清新又清甜好啱我, 加上頂層泡泡令口感更滑！Acquasala 地址📍： 中環蘇豪伊利近街13號地下及閣樓
