Happy Friday好姐妹帶我去太子嘅酒吧街Muze Mozz食飯飲嘢～地點喺太子西洋菜街，餐廳裝潢用心，牆身畫左好有懷舊歐陸風格嘅壁畫，好有藝術嘅感覺！除左indoor 嘅bar枱風格位，仲有小量outdoor 位同大電視📺，啱哂一班人睇波食飯！餐牌主打西班牙同泰式食物，前菜、炸物、焗飯/意粉等，當然唔少得仲有勁靚mocktail/cocktail 🥃 點擊圖片放大 🌭️德國香腸拼盤 $128 份量十足嘅德國香腸拼盤，共有7款腸仔，我自己鐘意辣肉腸同香草豬肉腸，最香口就芝士腸，芝士爆汁好好味！每款腸仔外皮煎到香脆，咬落肉汁豐富勁惹味！最驚喜係有超級好味嘅自家製薯片，加埋沙律醬一齊食太夾！配菜沙律有酸瓜同酸菜好豐富！🍳西班牙馬鈴薯蛋餅 $48 賣相又靚仲大大件嘅蛋餅，蛋味香濃，中間夾左D薯仔，食落口感豐富，面層仲有小小辣味香料，食落更有層次感！點擊圖片放大 🦀蟹肉他他配薄餅 $78 大大舊蟹肉夠鮮味，加上辣辣地好開胃！配埋酥脆香口嘅薄餅，好食到停唔倒口！點擊圖片放大 🍝西班牙蒜油海鮮意粉 $138成日話越簡單嘅意粉越難煮得好食，不過呢度嘅蒜油意粉就滿分💯蒜香味香而不濃🧄蒜油油而不膩！意粉軟硬度剛剛好！而海鮮有大蜆、海蝦同青口等，樣樣都鮮甜爽口！推介！🥤飲品點了Passion Dream $55 好green嘅味道，既清新又清甜好啱我！朋友點左York $92 ，佢話係熱情味嘅酒精飲品，香甜易入口，加上頂層泡泡令口感更滑！Muze Mozz 地址📍： 旺角西洋菜北街179號地下C&D號舖
