同事介紹山林道嘅隱世串燒-串酒里! 地點山林道6號嘅小巷入面，好有探店嘅感覺！餐廳型格風加木系裝潢🪵小店細細最好黎之前book定枱！餐牌主打當然是串燒，仲有日本直送嘅雞皮雞心雞肝、同埋是日精選好多選擇！價錢親民，相當唔錯！點擊圖片放大 🦀松葉蟹蓋甲羅燒拼薯角$99: 滿滿蟹膏配加蛋黃，暖笠笠嘅蟹膏口感軟綿細滑，撈埋超巨型嘅薯角一齊食估唔到咁夾！薯角炸到卜卜脆唔會太乾好好食！🧄蒜蓉錫紙牛仔骨 $68: 牛仔骨肉味香濃，保留豐富肉汁！蒜蓉味不會蓋過牛肉味！相當出色！點擊圖片放大 🍖煙肉荔枝串 $48: 我最鐘意煙肉荔枝串，香口嘅煙肉包住大大粒荔枝！超！香！甜！推介！🍖豚肉腐皮串 $48 ：豚肉燒到油香滿溢！配埋腐皮口感爽口彈牙！🐥自家製惹味雞肉串 $38 :燒得黃金香脆嘅雞肉串，肉質嫩滑仲好juicy！自家製香料夠哂惹味！🐥原條免治雞肉棒 $49: 一客兩條食落口感豐富唔乾身，唔錯！🥚燒玉子$48: 雞蛋燒到表皮微微焦香，香甜無比！🔥🍆香辣燒原條茄子: 原條巨型茄子，配搭勁多香辣蒜醬，軟綿綿一絲絲嘅茄子夠哂辛辣必點！ 🍠鹽燒日本甜薯 $25: 最後點一個鹽燒日本甜薯，甜甜地勁好好食！ 串酒里地址：📍尖沙咀山林道6號B舖 (漢國中心對面)
