終於有時間去食關西第一炸牛排專門店～京都勝牛嘅招牌吉列牛！餐廳選用來自美國、澳洲同日本牛肉，除左元祖吉列牛排，仲有多款特色海鮮菜式，例如炸廣島蠔、大海老同鰻魚、甜品🍮同飲品等，選擇都幾多！地點喺銅鑼灣535Tower地庫，餐廳坐位濶落，店員有禮介紹！讚👍 點擊圖片放大 🥩元祖吉列牛排 $168 元祖吉列牛排選用牛肩胛，沾上蛋醬同麵包糠炸至金黃色！外層金黃酥脆，炸到大約3成熟嘅牛肉肉質鮮嫩多汁，跟左9 種蘸料（包括：咖喱醬、芥末、七味唐辛子、玫瑰鹽同松露鹽等）我自己比較鐘意玫瑰鹽同松露鹽，特顯牛肉嘅香味！想食熟D嘅話，店員會用牛脂起平底鑊，只需按個人喜好輕輕煎一煎吉列牛已經非常之好味！套餐配埋燕麥飯、椰菜絲沙律同埋味噌湯，仲可無限續加添！ 點擊圖片放大 🍤吉列大蝦鍋膳套餐 $178 上枱陣容頂盛嘅吉列大蝦鍋，巨型嘅特大海老，蝦肉爽口彈牙，扎實有口感，配上香濃的滑蛋洋蔥汁，當脆爽遇上香滑蛋汁，完全中和左吉列嘅乾身口感！係吉列食物中必點嘅鍋品！滑蛋香甜醬汁味濃，一不小心會撈哂成個燕麥飯食！ 點擊圖片放大 🦪炸生蠔🍤炸特選海老 $52 ：小食炸生蠔同特選海老同樣係炸至金黃色外脆內軟，配埋他他醬食超級夾！必點！ 點擊圖片放大 🍦棉花糖雪糕 $58 ：造型可愛嘅棉花糖雪糕，係一粒微微燒過嘅巨型大棉花糖包住雲呢拿雪糕，外皮小小脆，裡面軟綿綿，配埋開心果等脆脆食口感豐富勁滋味 🍶日本清酒豆腐雪糕 $58 ：估唔到清酒味咁濃！配埋豆腐雪糕口感軟滑細膩，一試難忘！ 🥤飲品我地揀左紅豆宇治冰抹茶同白桃蒟蒻冰茶，兩杯都清甜好味～ 京都勝牛 牛カツ 📍▫️將軍澳澳南海岸唐俊街23號MONTEREY Place地庫B05號舖 📍▫️荃灣大壩街 4-30 號荃灣廣場 2 樓 217-220 號舖 📍▫️銅鑼灣謝斐道 535 號 Tower 535 地庫 B02 號舖 立即download U Lifestyle App嘅美食關注專區《社群》，齊齊做民間食神/KOL 分享每日美食提案，每月仲有獨家放送試食活動添 ! 傳送門: https://bit.ly/3sXJLrz
