#港島人 一向都會去筲箕灣東大街揾食！估唔到東大街仲有得食生蠔同魚生！餐廳地點喺東大街2號嘅Sushi Man & Oyster Man🍴 menu主打每日都有來自唔同地方嘅生蠔🦪，價錢低至$20都有！實在冇眼花😵💫！其他仲有set lunch 定食、刺身、壽司，丼飯，炸物小吃等，小店細細都幾多選擇！點擊圖片放大 法國Gilles Masses生蠔 $22/each ：我地偏好食爽口嘅生蠔，店員介紹當日適合食法國Gilles Masses嘅蠔！海水味濃，肉質較薄身，鮮甜又夠爽口帶小小creamy，性價比極高！推介！🍣刺身拼盤 $142 ： 時令三文魚腩同三文魚刺身，油脂甘香！加埋好fresh嘅鮮帶子同綿綿嘅拖羅，無得彈！ 🥑牛油果龍蝦卷🦞$108：頂層滿滿牛油果蓉，下層壽司滿滿龍蝦肉，龍蝦鮮甜無比味，配料加埋青瓜絲更添口感！點擊圖片放大 🍱吉列豬排丼 $68 ：炸到金黃色嘅吉列豬排🥩，入口甘香酥脆！即叫即炸勁好味！肉味香濃，分量幾多。跟餐嘅湯仲有三文魚，好鮮甜！🍱皇帝蟹魚生丼 $68 ：勁豐富勁多魚生粒，三文油甘香加上皇帝蟹口感細膩，配埋蟹籽一齊食感覺好fresh似沙律飯！飯量好足！唔錯！🍗明太子雞翼：最後點了明太子雞翼，炸得好香口惹味！ Sushi Men x Oyster Men地址📍 : 筲箕灣筲箕灣東大街2號麗東海景豪苑1座地下2號舖
