黄埔一向多美食，亞E生日想帶佢食下而家最hit嘅 #omakase ，上網search倒喺黃埔天地奇妙坊嘅森戶，有多種價錢 Omakase可選擇，入門價錢只係 $380， 有前菜、十件壽司🍣、手卷🍣、湯品🥣同甜品🍮 性價比極高！ 餐廳裝潢以傳統木系風格，坐位濶落舒適，每上一件壽司，廚師都會作出簡單介紹！每件壽司已放wasabi同輕量醬油，成件壽司就食唔需要再點任何醬汁！讚👍 Omakase 山🍣 $380 點擊圖片放大 🍵茶碗蒸：味道清甜嫩滑，冬菇、蟹棒、魚籽等配料令口感更豐富！ 🍣活北寄貝：貝肉厚身而味道清新，鮮甜又爽口！ 🍣北海道鮮帶子：鮮帶子果然係特別新鮮，只加了竹炭鹽已清香爽甜！ 🍣加拿大牡丹蝦：牡丹蝦肉質扎實肥美，配埋蝦頭嘅蝦膏大大提升左蝦嘅鮮味！ 點擊圖片放大 🍣九州金鯛 ：夏天常見嘅金鯛，肉質出名清甜，輕輕炙燒已經帶出魚嘅甘香 🍣鯖魚卷 ： 鯖魚一向味道香濃，配左薄薄嘅白昆布平衡左個香味，加埋七色芝蔴令口感更豐富 🍣右口魚邊： 輕輕燒過嘅右口魚邊，魚油甘香～ 加上紫菜一齊食，味道一試難忘！ 點擊圖片放大 🍣梭子魚： 梭子魚魚肉油份較少，肉質清爽，連油脂較多嘅皮一齊食更甘香！加上木魚花，味道好夾！ 🍣大拖羅：頂級大拖羅，魚油脂極豐富，食落口感滋潤超滿足！ 🍣北海道銀鱈魚：輕輕一燒嘅銀鱈魚，肉質軟嫩，香滑無比！ 🍣北海道海膽：最後一件壽司係我最愛嘅北海道海膽～香濃厚實，入口鮮甜甘香溶化！完美！ 🍣中拖羅手卷：選用日本紫菜所以特別香脆，加埋軟綿細滑嘅葱拖羅簡直冇得彈！ 🥣食完刺身最正就係飲返碗熱熱嘅湯，魚湯入面仲有豆腐，香菇等配料，真材實料好味道！ 🍮甜品有栗子雪糕同黑糖雪糕，我地都揀了黑糖，好香好好味。亞E表示十分滿意！ 森戶 Morito もりと 地址： 📍紅磡黃埔天地奇妙坊(第1期)地下9A號舖
