🍲今次我地去食聽左好耐嘅牛大人！餐廳望落好大，座位勁多，menu主打台式湯底嘅火鍋🍲，限時120分鐘”極上和牛吃到飽”放題, 有澳洲M5和牛牛肩胛、手切封門柳、安格斯牛小排、安格斯牛板腱、上腹牛五花、西班牙豬梅片、招牌花枝漿、海鮮等，仲免費送澳洲和牛丸！自助區仲有超～級～多～台灣直送丸類同蔬菜可以拎！點左set 之後就可以 掃QR Code 落單，有台式小食、台式飲品等可追加！！上菜速度仲好快！讚！點擊圖片放大 🥩🍲極上和牛吃到飽套餐 $328/人🥣湯底一共有十種選擇，我地揀左唔辣嘅阿嬤養生湯鍋，湯頭清香又夠鮮味，配料有蟲草花、椰菜等，帶點輕微藥膳味道！太好味！ 🥩一次過上枱有勁多種肉類🥩有澳洲M5和牛牛肩胛油脂均勻，肉質紥實香口，手切封門柳最軟嫩，薄切嘅牛小排牛肉味香濃、軟身易人口！唔同部位都唔同口感，可以每樣都食勻最happy! 點擊圖片放大 🍖西班牙豬梅片🍖薄薄一片，好快熟又夠淋！好味！🌟個人推介🌟台式小食，不得不吃鹽酥雞，真正台式味道！炸到酥脆可口仲幾juicy～勁好味！🦐海鮮類🦐有魚片、虎蝦同沙白😋我只點左沙白，蜆肉肥美肉厚，仲冇沙粒👍🏻💛台灣直送丸類💛一向都鐘意食丸，真係好多選擇，雞肉丸、龍蝦沙律丸、麻辣丸、海鮮丸，必食仲有花枝丸！點擊圖片放大 🍡澎湖花枝漿🍡招牌花枝漿，花枝鮮味十足，口感彈牙，推介！ 🧃台式飲品都唔馬虎，點了芋霜珠奶同白桃烏龍解解膩！牛大人台灣火鍋吃到飽 地 址📍：銅鑼灣駱克道463-483號銅鑼灣廣場二期5樓
