有返晚市咁開心🥳梗係繼續約朋友食生日飯！朋友最鐘意食海鮮🦞，佢喺尖沙咀返工，去厚福街嘅The Captain’s House 就啱哂！餐牌主打shake shake 海鮮，仲有勁多選擇包括： steak、ribs、生蠔、burger、意粉🍝，特色飲品同甜品🍮等，樣樣都好啱我地口味😋點擊圖片放大 🦞Seafood Combo A /$418有3種海鮮可揀，我地揀左蜆，青口同海蝦🦞！至於醬汁我就揀左卡薑蒜香汁，一上枱大大個波型袋好IGable！影完相店員立即shake 勻裡面嘅sauce，一打開超香蒜味！有薑所以食落帶點微辣，店員話而家係食clam 嘅季節，所以又大又肥美，海蝦蝦肉鮮甜紥實🦐！青口夠哂爽口！除左海鮮仲有腸仔、粟米同薯仔，份量好足又勁好味！ 🦀 蟹餅🦀 $118 用鐵板上嘅蟹餅，外層炸成金黃香脆，蟹餅裏面嘅蟹肉係一絲絲，香口之餘仲鮮味十足，而且唔會一夾就散！ 🍝蟹肉卡邦尼意粉🍝 $148 先講個醬汁非常creamy，奶香同芝士味均勻，香濃而不膩，配上啖啖鮮甜蟹肉，更添美味！配菜仲有勁多煙肉粒同菇粒，食落口感豐富。 🥤飲品我地點左Cola Flow 同Stawberry Flow 🍓兩杯都好好飲，甜度適中，出色！ 🍰甜品🍮：S’mores Dip $78 大大排棉花糖，中間夾左小小椰絲，底層有甜甜嘅朱古力🍫，將一個spoon嘅分量喺餅乾到食，簡直甜入心💯 The Captain's House 地址📍： 尖沙咀厚福街8號H8 18樓
