終於放寬晚市，好姐妹生日梗係要食豪D！睇IG見倒灣仔嘅鮨樂嘅食物賣相超靚超高質！一於book枱食餐勁嘅！今次主要想試下 omakase，即係廚師發辦，廚師會選用當日最新鮮最靚嘅食材準備豐富嘅一餐！傳統木系日式居酒屋裝潢，座位開揚濶落，設有大長bar枱，啱哂食omakase！menu除左刺身壽司仲有日式料理、炸物、串燒等，選擇勁多！ 🍣Omakase 華 $680/位🍴 我就揀左華，包括：前菜，蒸物、刺身兩点、手卷、握之壽司9貫、吸物（湯）及甜品 🥗前菜🥗 汁煮八爪魚：香軟彈牙嘅八爪魚魚，配上香甜醬汁，為第一道菜打響頭陣 ！ 🥚蒸物🥚招牌蟹肉魚籽茶碗蒸，高貴嘅金薄下有滑滑茶碗蒸，蛋味香濃配鮮甜嘅蟹肉同魚籽，仲有冬菇同蝦，推介！ 刺身兩點： 🐟白身魚同牡丹蝦刺身，白身魚配櫻花鹽食🌸帶出魚嘅鮮味！牡丹蝦蝦肉鮮甜肉質綿滑！ 🌟蔥拖羅手卷🌟葱吞拿魚手卷選用日本紫菜，特別香脆，加埋軟綿細滑嘅葱吞拿魚簡直冇得彈！🍣握之壽司9貫: 春子鯛（即鯛魚bb）、 竹炭鹽魷魚、昆布漬金線鯛、吞拿魚赤身、中拖羅、 大拖羅、鹿兒島半熟車海老、北海道凡立貝同炙燒赤陸 正所謂 #不時不食 所以一定有當季最靚嘅刺身，春子鯛第一次食，煙韌中帶點甘香，味道一試難忘！赤身、中拖羅、 大拖羅由油脂到味道同口感都各有不同但同樣好味！我自己就最鐘意半熟車海老同凡立貝！至於最尾一款炙燒赤陸都係第一次食，炙燒完油脂更香更惹味！ 🥣湯：食完刺身最正就係飲返碗熱熱嘅湯，用上魚骨煮嘅湯特別香甜，真材實料好味道！🍰甜品： 有一件好似蒸蛋糕嘅蛋，口感特別🍰仲有超甜嘅哈密瓜！清甜又好味！完美！鮨樂 地址: 灣仔新鴻基中心1樓
