繼續冇得晚市堂食，唯有將晚市提早D食🤣餐廳位置喺銅鑼灣謝斐道477-481號3樓，成棟大廈都好多嘢食，不過呢間最吸引我嘅係”任食”！裝潢好似去左日本夜市咁放滿日式燈籠，座位超濶落坐得好舒服， 午市燒肉放題 $258，店員推介加$38可升級任食澳洲和牛，18:00前離座都係做緊午市價錢！抵！ 120分鐘嘅放題, 有多種牛肉、雞、豚肉，海鮮、沙律小食等共幾十種食物！點左set 之後就可以 喺ipad 落單！上菜速度仲好快！點擊圖片放大 🥩🔥 午市放題＋升級澳洲和牛套餐 $296/位 🥩我地食左嘅肉包括：澳洲和牛、鹿兒島五花肉同鹿兒島豚西冷、牛肩胛肉、安格斯牛小排、每款都係件數落單，唔同部位油脂分布唔同，口感都有分別，一次過食哂咁多種，可以再按自己口味落單又唔浪費! ⭐個人推介⭐澳洲和牛：薄薄一片一煎即熟，肉味香濃油脂甘香！必食！💛比較特別💛鹿兒島五花肉：食落肥瘦均勻肉質煙韌口感豐富，炭火燒更有焦香！ 🐥另外點了雞髀肉都肥美肉汁多！點擊圖片放大 🌽蔬菜都好多選擇、有日本甜薯、粟米、菠蘿等必食之選！菠蘿超甜！🍣刺身方面，有帶子、三文魚、甜蝦、北寄貝、油甘魚等，樣樣都唔錯！🧃飲品揀左自助雪櫃嘅燒仙草爽，感覺可解解膩！另外啤酒做緊 $68任飲！相當抵 ！🍚最後點了招牌菜熊本紫菜味素飯，再加多個地獄香辣稻庭烏冬！最最後仲有Häagen-Dazs雪糕！大滿足！熊本燒肉地址： 銅鑼灣謝斐道477-481號3樓
