而家做緊 #期間限定 嘅富山麵家 X My Melody 主題！地點係希雲街7號地舖，喺利園行過去遠望已被pink pink吸引住～！由招牌、門口到出面支𣄃都係My Melody! 卡娃兒呢！入到餐廳到處都係My Melody嘅身影，牆紙、枱面、紙杯同筷子套都係佢～！menu主打當然係聯乘嘅拉麵，連飲品都有架！冇得食晚市，唔駛驚～咪早D食晚飯囉！我地5點鐘去到，食一個鐘啱啱好6點前離座！順帶一提，My Melody主題做到2月28日咋。各位Melody迷要快D去啦！點擊圖片放大 🍜黃金蟹膏牛奶拉麵🍜 $98 黃金蟹膏球既好睇撈勻咗又可吊味！同牛奶湯底飲落好有夾，湯底香濃唔油膩！拉麵彈牙，而沖繩豬軟骨忟到好淋好入味！最驚喜係溏心蛋！勁好味！成個拉麵配料都唔馬虎！讚👍點擊圖片放大 🍜My Melody特制沾麵 $98🍜 可揀胡麻醬或熱牛乳湯店員話沾麵最近新出左激辛湯，梗係要試🌶️🌶️擺得好靚嘅特制沾麵，有招牌豬軟骨，蟹柳，糖心蛋，Melody魚旦，仲竟然有幾粒棉花糖🍬呢個配搭太神奇了！沾麵的湯唔會太稠但都可掛麵，微辣味夠哂刺激，湯裡面仲有D豬軟骨肉！鐘意沾麵嘅人必點！ 小食點左肉汁滿滿餃子🥟$42 果然肉汁滿滿！同埋富山雞翼🍗$48, 兩樣都好好味！🧃凍鮮泡蜂蜜綠茶 $15味道清甜可口！配啱哂打卡嘅草莓杯可愛到不得了！富山麵家地址： 銅鑼灣希雲街7號地下
