平時晚市經過尖沙咀嘅韓國街，每次都好多人等位嘅Oppa Coffee Bar and Restaurant 一路都好想試, 今次比我放半日約倒表妹去食個early dinner太開心! 餐廳地點喺金巴利街1號地下，白色工業風裝潢加上不斷播住韓國至hit 嘅MV，一邊食仿如置身韓國！餐牌主打韓國料理、有炸雞類、芝士類、鍋物、煎餅小食等，種類都幾多！點擊圖片放大 🧀芝士炸雞 $268 🍗 用鐵版上碟嘅芝士炸雞🍗炸到金黃色勁酥脆嘅雞，上面有D蔥花，喺炸雞山下面有厚厚一層熱溶芝士汁！仲要係～拉～絲～芝～士～！卜卜脆嘅雞肉嫩滑仲好juicy，配上芝士醬汁勁香濃，啖啖雞肉都可以用醬汁包住，香味濃郁又唔會過咸同油膩，份量好足！點擊圖片放大 🦑韓國韮菜海鮮煎餅（大）$ 160🥞大過我塊面嘅韓國韮菜海鮮煎餅，配料有魷魚同韮菜，表皮煎到金黃色薄脆，內裡嘅韮菜香口無比，配上爽口嘅魷魚真係好夾！點埋醬油更添惹味！成個煎餅份量好足！Oppa Coffee Bar and Restaurant地址： 尖沙咀金巴利街1號F地鋪
