疫情下當然去唔倒最愛嘅韓國🇰🇷，之前喺明洞地下街食過炸芝士後真係超掛住。陪朋友去波鞋街買完鞋，竟然發現對面就有間專賣韓國炸熱狗嘅專門店！太開心啦！位舖位於The Forest嘅對面 🌭Menu 主打 🌭熱狗棒，外層用上麵包糠混合麵糰，炸至金黃色，外脆內軟，加入腸仔同芝士等配搭出一共八種口味！ 點擊圖片放大 +2 🌭S2 任意熱狗4個組合🌭 $120, 即係任選4種口味 🧀我叫左兩條（7）🧀 水牛芝士拉絲熱狗棒，一條（加糖）同一條不加糖 ，（3） 薯條熱狗棒 同 （4） 車打芝士熱狗棒 各一條 , 全部都係即叫即炸，親鮮熱辣！除左加糖，仲有茄汁、蜂蜜芥辣、車打芝士醬、甜辣醬汁可以自己後加🥡⭐個人推介⭐ 水牛芝士拉絲熱狗棒，真拉絲芝士又香又滑！🧀芝味滿分！必食！ 💛比較特別💛 薯條熱狗棒🍟卜卜脆嘅薯條舖滿熱狗棒，咬開仲有惹味嘅熱狗腸，口感豐富味道特出！ 🍢年糕香腸串🍢 一向鐘意食年糕嘅煙韌，炸過特別香口，配埋醬汁一齊食冇得彈！🦑魷魚味魚糕🦑$25 韓國魚糕遇上魷魚，軟軟硬硬口感豐富！好好味 🥩烤牛肉味魚糕🥩$25 烤牛肉味魚糕幾特別，肉味香濃，值得一試！外賣包裝得好好！飛的返到屋企仲暖嘅！完美！阿里郎熱狗棒地址：旺角奶路臣街12-26號啟賢大廈地下7B號舖
