好姐妹生日飯，趕得上防疫措施實施前，最後一次晚市堂食！同事介紹啱哂傾計嘅上樓西餐，地點喺銅鑼灣耀華街嘅17樓，餐廳裝潢用心，我地今次6點半去到仲坐倒榻榻米corner太happy 啦！小店細細座位唔太多，晚市好旺下，最好book定枱先黎啦！西餐為主嘅menu，有多款少見嘅冷盤前菜沙律🥗，主菜有同事推介嘅鴨髀，仲有pizza，漢堡意粉等，冬日飲品special menu都勁吸引呢！ 🐚橄欖油刺身帆立貝漬 $98上菜超靚嘅帆立貝，全碟好Green! 仲有大量帆立貝刺身！橄欖油浸住厚度適中又勁新鮮嘅帆立貝刺身，食落仲有淡淡嘅薄荷香味，配搭沙律菜同芝麻🥗口感豐富！ 🧇油封鴨腿配窩夫🧇 $188超大隻嘅油油封鴨腿，外表皮焗到好香脆，肉質軟嫩仲好juicy，啖啖鴨脾肉好惹味！配搭埋伴碟嘅紅酒肉啫喱，同埋新鮮血橙一齊食，令個成碟菜嘅味道好balance！完全感受倒廚師嘅用心！ 窩夫上淋左香甜蜜糖，可配牛油一齊食好夾！ 🐟英式炸魚配黑松露薯條🍟 $148 炸到金黃色嘅Fish and chips, 賣相吸引唔在講，切開有聲嘅卜卜，真正外脆內軟嘅口感！魚肉肥美又滑！炸魚下面仲有特多份量嘅黑松露薯條，配左黑公露醬同蕃茄醬兩種！超好味！ 飲品 ： 我點左可愛嘅GingerBread Chocolate with Whipped Cream $68, Gingerbread仲係自家製好可愛又好味！生日果位要飲酒，點左Drunken Santa $88, Whisky加上果香嘅味道！好姐妹話超正！Layback Cafe and Bar 地址：銅鑼灣耀華街3號百樂中心17樓02-03號舖
