喺旺角見完客，想同同事食個early dinner 先走，路過百利達廣場，地下就有間PokéToké 夏威夷蓋飯！ 第一次食原來咁多選擇！除咗自選配搭飯之外，仲有Signature bowl 可揀！ 用QR code落單方便又快捷，店內有蔬果水需要可以自己去斟。好fresh 好啱我！ 點擊圖片放大 🍚🍣 加洲風味碗 $108（有三文魚、青瓜、蛋絲、三文魚籽、車厘茄、日式胡麻醬、紫菜絲、木魚絲同黑白芝麻）後加了雪蟹捧 首先要講下成碗飯色彩繽紛，睇見都想食！三文魚新鮮油脂香口！雪蟹捧足料又鮮甜！大大堆車喱茄同切到粒狀嘅青瓜好易入口🥬，令到個飯好fresh，日式胡麻醬撈飯一流！飯嘅份量好足！初頭以為得D菜原來都幾飽！點擊圖片放大 🍤🍚嘻哈波奇 $108 (有虎蝦仁、中華沙律、車厘茄、蟹肉、枝豆、柚子沙律醬、紫菜絲、木魚絲同黑白芝麻) 後加了牛油果 呢碗簡直係無敵多款餸，虎蝦仁醬汁清甜，配埋爽口嘅蝦簡直冇得彈！中華沙律🥗同柚子沙律醬，配埋枝豆一齊食特別惹味，呢個跟半菜半飯底，有汁撈住食更香口！牛油果🥑夠熟，其實半飯份量都好足！點擊圖片放大 特飲點了牛油果奶昔 （中）$36, 好濃好結幾特別！PokéToké地址： 旺角廣華街3號百利達廣場地下1號舖
